ເວທີປາໄສປ່າໄມ້ຂອງອົງການສະຫະປະຊາຊາດ (UNFF9) ຈະຈັດຕັ້ງປີ 2011 ເປັນປີປ່າໄມ້ສາກົນຢ່າງເປັນທາງການ ດ້ວຍຫົວຂໍ້ວ່າ “ສະຫຼອງປ່າໄມ້ເພື່ອປະຊາຊົນ”. ໃນກອງປະຊຸມປະຈໍາປີຂອງຕົນທີ່ຈັດຂຶ້ນຢູ່ນິວຢອກ, UNFF9 ໄດ້ສຸມໃສ່ "ປ່າໄມ້ສໍາລັບປະຊາຊົນ, ການດໍາລົງຊີວິດແລະການລົບລ້າງຄວາມທຸກຍາກ". ກອງປະຊຸມໄດ້ເປີດໂອກາດໃຫ້ລັດຖະບານໄດ້ປຶກສາຫາລືກ່ຽວກັບຄຸນຄ່າວັດທະນະທຳ ແລະ ສັງຄົມຂອງປ່າໄມ້, ການປົກຄອງ ແລະ ວິທີການຮ່ວມມືຂອງຜູ້ມີສ່ວນຮ່ວມ. ລັດຖະບານສະຫະລັດໄດ້ຍົກໃຫ້ເຫັນບັນດາການເຄື່ອນໄຫວ ແລະຂໍ້ລິເລີ່ມທີ່ກ່ຽວຂ້ອງກັບປ່າໄມ້ຂອງຕົນໃນໄລຍະກອງປະຊຸມສອງອາທິດ, ລວມທັງການເປັນເຈົ້າພາບຈັດກອງປະຊຸມທີ່ເນັ້ນໃສ່ “ການສ້າງສີຂຽວໃນຕົວເມືອງໃນອາເມລິກາ”.
ເວທີປາໄສຂອງສະຫະປະຊາຊາດກ່ຽວກັບປ່າໄມ້ ໄດ້ຖືກສ້າງຕັ້ງຂຶ້ນໃນເດືອນຕຸລາ ປີ 2000 ເພື່ອສົ່ງເສີມ ແລະເສີມສ້າງຄໍາໝັ້ນສັນຍາໄລຍະຍາວໃນການຄຸ້ມຄອງ, ການອະນຸລັກ ແລະການພັດທະນາປ່າໄມ້ແບບຍືນຍົງ. UNFF ແມ່ນປະກອບດ້ວຍປະເທດສະມາຊິກທັງໝົດຂອງສະຫະປະຊາຊາດ ແລະບັນດາອົງການສະເພາະຂອງຕົນ.